最後一天,因為只有上午的時間,所以選擇了去Jim Thompson Museum,近近地,可以去完再返酒店check-out.

食埋午餐,就坐的士去機場了,都是大概bth370(連埋highway).

不過曼谷既機場真係好熱,點解呢.

check-in之後,又肚饑去食野,因為飛機唔包飛機餐,所以更加要食啦,去左間食pizza,呢間野個雞翼好好食啊.

因為早了去機場, 所以都等了幾多時間.仲可以有時間睇埋手機之前入左那套戲.

曼谷之旅,完結了!

張根錫主演中的韓劇,是我近排沉迷中的劇,剛剛看完了1-10集,其待新一集啊!

大家真係要睇下,張根錫係入面直係表情多多,仲好可愛!!好耐都未試過沉迷劇啦!!

新一集快啲出啦! 

之前看過的貝多芬病毒時都唔覺佢咁可愛,可能今次角色在髮形同服裝都多原化左好多,再加上角色需要.

是日貓地,多麼的相就相愛~~ 

第3天,一早是去papaya,因為之前看了佢的blog已知有這個地方,拿著從google map印出來給的士司機看,他都好似不太明白在那裡,的士司機在途不時問其他的士司機,又問一些鋪頭的人,都好像唔知,最後去到差不多的位,但又不見這間鋪頭,的士司機又落車的問問人,終於都收到個識講英文的人,佢又去問下一些電單車手係邊,問多幾個,最後原來發現已到到左佢既側邊.

需然的士費去似要去到bht99,不過都好多謝佢地.

 入到去直是令人驚艷的地方,很大間,一入去就見到好多擺設.

門口只有幾個人在看電視,我問一問那一個入口就入去了,入面其實一個客人都沒有,我自己就係度逛,影相,自拍.

每一處都可以影到靘相.

皮箱其實好想好想買,不過只有一些很大個的,所以最後都沒有買.

離開這裡後,就行回出大街逛逛,看到有個像是街市的入去就走入去,遇到隻貓貓係度瞓覺!

還有布行,同賣配料的鋪頭,不過看到價錢跟香港的差不多,又沒有特別喜歡的布,所以都沒有買到.

之後去Phrom phong站,因為約左做foot message,呢間Urban Retreat直係好迎bts站.

休息完畢,就去了買蝴蝶袋,呢個鋪都幾大,有兩層,不過點解我無影到相呢....

再去Emporium 6/F既Thailand Creative & Design Center (TCDC),當日有兩個展覽進行中,都是開放給人看的.

再落番去food court食野,啲野食都唔錯!食埋野就返去林真香買野,然後就返去酒店啦!

還有一天.

一早自動7點幾就起左身, 先去了酒店樓下食粥,都不知是不是水肚不服,始終個肚仔都有點唔舒服,頂住頂住咁. 

叫左個餐,除了熱粥,還有一個是甜的凍弼,未食前覺得會唔會好怪,但食落口又真係幾好味喎.

呢日星期六,主攻翟度翟,不過呢度真係非常之大,我到最後4點幾已經要走,因為太倦,還有全程都唔使去廁所,但又唔覺急,難度真係出左咁多汗,唔使去.

開頭轉來轉去,都唔係好知點行,行行吓又走左入呢度,又幾得意,會有人放啲晝出來賣.

又有人係度彈結他,唱歌咁.

無幾耐,又肚餓啦,坐低食一食野,呢個都好好味,但我唔知叫咩名.

轉向另一邊,開始買野唔少野啦,呢間停留左一陣,又同個老板談了幾句,呢個地方都幾好,啲創作人可以係度賣下野,同埋我覺得啲租應該唔會好貴吧!

又食,只影了坐下了食的東西,其實中途食左唔少既小食.

呢間只有一樣東西食,我開頭係咁問題攞mean,佢解釋左我又唔係好明,要講多幾次先明.

行完左後,先回酒店休息一下再沖個涼,再去做thai massage,去到附近未到時間,係附近逛了逛,見到幾隻貓貓,有一隻唔夠其他貓來,無得食....

係曼谷,有3天都有做massage,呢日係全身既,不過唔係好習慣,呢間都幾好,唔錯!

做完之後,係附近的小販檔食了碗麵,就咁又完左一天啦. 

check-out完畢後,exchange了泰精,就先去買了一杯野,解解渴先,好似呢杯野要bth90.

坐的士先去酒店先,今次呢間酒店平平地都ok喎,每日都有2支水供應,我都有飲哂 

酒店位置都唔錯,同bts相距非常之近.

休息過去,就出發先去siam站,呢個中心位置,本來無打算第一日就做按摩,但一出BTS就見到呢間野,又覺得自己好倦下,就入左去massage左30mins,先去商場逛逛.

4-5點左右,馬路已經開始塞車, 還有這些穿製服的人是做甚麼工場呢,可以係街度坐係度睇報紙.

 先去商場,很大,但又不是很多人逛,但我對大多數的鋪頭都興趣不大.

感覺開始肚餓,有很多不同的食店,但好像幾高級咁,行到咁上下見到呢間野,平平到,就入左去食野啦,有mama 麵,仲再叫個白雪耳沙律,都好食喎.

食飽飽後,聽到樓上有人唱歌!?於是走上去看看,原來有個小型舞台,四周又有各地攤,原來看其他人的blog說是在戶外的空地,去到又唔見,原來搬了上樓上,不過售賣的都普普通通吧!有很多都是畫衫,有些都畫得不錯,但有些就......最後我都買了一個手機袋.

再轉去下面的B2S,我真係唔係好明呢啲鋪頭點生存呢,咁大間鋪可以無咩人行,更何況買野. 

行過呢個department store,入面有幾個柜會似係一些手作人的東西,都幾得意,可以有個位比佢賣野. 

 呢個商場對我來講無咩行,所以就走啦,出到去看見馬路的塞車更嚴重,真係無咩事都唔去坐車啦,坐BTS方便好多. 

再轉行對面的BIG C,一個supermarket,買了些飲品同埋些細支的爽身粉就走啦.

 已經好倦好倦,返到酒店,沖個涼就立刻瞓啦.