林尾。貓地。手作

曼谷09│第二天,翟道翟

林尾 | 07-Nov-09, 5:31 PM | 曼谷09 | (2 Reads)

一早自動7點幾就起左身, 先去了酒店樓下食粥,都不知是不是水肚不服,始終個肚仔都有點唔舒服,頂住頂住咁.

叫左個餐,除了熱粥,還有一個是甜的凍弼,未食前覺得會唔會好怪,但食落口又真係幾好味喎.

呢日星期六,主攻翟度翟,不過呢度真係非常之大,我到最後4點幾已經要走,因為太倦,還有全程都唔使去廁所,但又唔覺急,難度真係出左咁多汗,唔使去.

開頭轉來轉去,都唔係好知點行,行行吓又走左入呢度,又幾得意,會有人放啲晝出來賣.

又有人係度彈結他,唱歌咁.

無幾耐,又肚餓啦,坐低食一食野,呢個都好好味,但我唔知叫咩名.

轉向另一邊,開始買野唔少野啦,呢間停留左一陣,又同個老板談了幾句,呢個地方都幾好,啲創作人可以係度賣下野,同埋我覺得啲租應該唔會好貴吧!

又食,只影了坐下了食的東西,其實中途食左唔少既小食.

呢間只有一樣東西食,我開頭係咁問題攞mean,佢解釋左我又唔係好明,要講多幾次先明.

行完左後,先回酒店休息一下再沖個涼,再去做thai massage,去到附近未到時間,係附近逛了逛,見到幾隻貓貓,有一隻唔夠其他貓來,無得食....

係曼谷,有3天都有做massage,呢日係全身既,不過唔係好習慣,呢間都幾好,唔錯!

做完之後,係附近的小販檔食了碗麵,就咁又完左一天啦.

留言(4) | 引用(0)

曼谷09│到達了,第一天

林尾 | 06-Nov-09, 4:21 PM | 曼谷09

check-out完畢後,exchange了泰精,就先去買了一杯野,解解渴先,好似呢杯野要bth90.

坐的士先去酒店先,今次呢間酒店平平地都ok喎,每日都有2支水供應,我都有飲哂

酒店位置都唔錯,同bts相距非常之近.

休息過去,就出發先去siam站,呢個中心位置,本來無打算第一日就做按摩,但一出BTS就見到呢間野,又覺得自己好倦下,就入左去massage左30mins,先去商場逛逛.

4-5點左右,馬路已經開始塞車, 還有這些穿製服的人是做甚麼工場呢,可以係街度坐係度睇報紙.

先去商場,很大,但又不是很多人逛,但我對大多數的鋪頭都興趣不大.

感覺開始肚餓,有很多不同的食店,但好像幾高級咁,行到咁上下見到呢間野,平平到,就入左去食野啦,有mama 麵,仲再叫個白雪耳沙律,都好食喎.

食飽飽後,聽到樓上有人唱歌!?於是走上去看看,原來有個小型舞台,四周又有各地攤,原來看其他人的blog說是在戶外的空地,去到又唔見,原來搬了上樓上,不過售賣的都普普通通吧!有很多都是畫衫,有些都畫得不錯,但有些就......最後我都買了一個手機袋.

再轉去下面的B2S,我真係唔係好明呢啲鋪頭點生存呢,咁大間鋪可以無咩人行,更何況買野.

行過呢個department store,入面有幾個柜會似係一些手作人的東西,都幾得意,可以有個位比佢賣野.

呢個商場對我來講無咩行,所以就走啦,出到去看見馬路的塞車更嚴重,真係無咩事都唔去坐車啦,坐BTS方便好多.

再轉行對面的BIG C,一個supermarket,買了些飲品同埋些細支的爽身粉就走啦.

已經好倦好倦,返到酒店,沖個涼就立刻瞓啦.

留言(0) | 引用(0)

曼谷09│T2機場及曼谷機場

林尾 | 05-Nov-09, 3:35 PM | 曼谷09

好似返工一樣咁早就去機場,今次是第一次去T2那邊,查過架A43都經既,咁就無問題啦.

check-in之後,原來要去71號閘口,要成30分鐘先到,咁又要行返了T2,就轉來轉去先去到啦,本來還打算坐底慢慢食個早餐都怕趕不及. 所以都是買上飛機食吧!

本打算有時間的話都可以去一去T2既無印行下,不過行到差唔多六十幾閘口,就見到有間MUJI係度,當然有入去轉左彎,有些門市真係無得賣喎.

上左飛機還未起飛,就先吃了早餐,是BURGER KING的,呢個飽飽好食喎,下次要再食先.

起飛啦,點都影下個藍天白雲吧!

曼谷機場既人手,果然同香港既唔同,真係要讚香港是很有效率,曼谷就真係慢吞吞.

P.S.遊記同樣的慢得很....

留言(0) | 引用(0)

曼谷09│第一次去曼谷一人遊

林尾 | 29-Oct-09, 3:10 PM | 曼谷09 | (11 Reads)

本來打算復活節去,點知曼谷那邊又好像不太安排,為免家人擔心,所以最後都改為趁重陽節假去曼谷.

機票是Airasia的平機票,要寄倉行李(不超過15kg),自選位置,飛機餐都要另外再加錢,不過去曼谷都只是幾個小時,所以問題都不大.

不過10月份的航機選擇多了一個,比起之前的好好多,唔太早,亦都唔太遲回程,我本身是極討厭早機去晚機返,更甚是晚機去早機返更差吧.

起飛香港國際機場(第二航站樓) (HKG) 於 10:45hrs (10:45 AM)
抵達 Suvarnabhumi 國際機場 (BKK) 於 12:35hrs (12:35 PM)
------------------------------------------------------------------
起飛 Suvarnabhumi 國際機場 (BKK) 於 16:30hrs (4:30 PM)
抵達香港國際機場(第二航站樓) (HKG) 於 20:15hrs (8:15 PM)